Kivalliq Inuit Katimayiit

Somebody’s Daughter (Innup Panigiyaa): Ayuiqhaqtut Mamihaqtullu Nunainnaqmi Inuinnarnut Arnanut

Naittuq

Una aullaqtitauhimayuq hanayauhimayuq Inuinnaqnut Arnanut ayuiqhariamik Inuit pitquhiinik aannuraaliuqhutik nattiqmik tuktumlu amiinik nunainnaqmi. Ilittuqhitivighaallu mamihariamik ihariagiyait arnait ningaqtauniqmit imaaluuniit nutarauhiinit ihuininaaqtitauniqmit; nunainnaqmi aulaaqhimayaami arnanut ihuaqutauvaktuq taimaa ihariagiyainik ihumagilluaqhugit inuuhiqattiarniillu ahiniillagiamiklu nunallaaqmingnit upluq tamaallu hulilukaaqpagainit.

Innup Panigiyaa aullaqtitauhimayuq 2003-mi amihunik ukiunik manighaqtitauplutik talvanngat Nunaqaqqaaqhimayut Mamihainiqmut Tunngaviat aullaqtitauhimapluni mamihaiyaamik ilihaqtitauhimayut aimavilingnik ikpiguhuutilingnullu ilihaqtitauhimayunit.

Taiguallaghainiqmut ilihaqtaghalik ayuiqhaqvighainit inuuhiqarapta tajja inuuhiriliqtaptingnit taiguariaqarialingmi titirariaqarialingmilu havaaghaniriamik ilihaqpaalliriamiklu ilihaqpaallirvingnit.

Ilihaqtaghat Naunaitkutait

Arnait ayuiqhaqpangniat halummaqhiniqmik hanaqiniqmiklu nattiit tuktuillu amiinik aannuraghanik miqhuqlutiklu ihumangmingnik miqhurumayainik. Hapkua ilihaqtitauvaktut iniqnirinit miqhuqtinitlu ilitquhituqhutiklu ilihaqtitauvaktut aannuraaliuqhutik algainnakkut uuktuqhutik.

Halummaqhiyut nattium amiinik qaffinik havauhilgit qanurittumik nattium amiinik aturahuarumik, qisiq (mitqulingmik) taapkualu/uniit nalauq/kiaktaq mitquiyaqhimayut qakuqtannguqhugit taapkualuuniit maktaq/maktaaliq mitquiyaqhimayut qirnariqtumik mitquiyaqhimaplutiklu qirnariqtumut mitquiyaghutiklu ugyungnik alurivagait kamingnit.

Kamiliuqtut ilaani qilamiuqhutik kamiliuliqpaktut ayuitkumi kamiliuqtuq qanurittumiklu kamighaqarumik nattiugumi tuktumluuniit kanaanginnik.

Aannuraaliuqtut tuktumit hivituyaatqiyauyuq amiliqiyaamik tuktunik ilaani upluiliqpaktut malrungnik pingahunikluuniit aqiligiami miqhuriami qarlingnik atigimikluuniit (mitqua ilumiutariplugu) qulittamikluuniit (mitqua anmukhugu) qanurininganiagullu hanauhiat aktinialu.

Pualungnik tuktum kanaangannik nattirnikluuniit (mitqulingnik mitquittuniklu) kayumitqiyauyut miqhuriamik.
Ayuiqhariamik miqhurniqmik aannuraaminiinik Inuit taapkuatut atigiit, qarliit, kamiit pualuillu ilaani inngummautinnaqtuq atatarutaugami hivulipta qauhimayatuqainut; amihut arnait arligiliqpagait angayuqqaangit, ataatattiangit aularaaqhimagamik hapiqnaqtumik Ukiuqtaqtumi avatiillu aghuurnaqtumi imaalu quviattautigiplugu ilitquhiinut inmikkullu.

Titirauyaqtut mamihautigiplugu (taiguallaghaiyut) unnuk tamaat katimatjutigivagait, qaffiuyut titirauyarnikkut havaaghalgit aullaqtittivagaqqut ilumuuqpiarahuaqhuta uvaptingnit imaalu ukpiqqutigiilirumik imaalu arnait amirnaittumiiliraangamik unipkaaliqpagait aturuminaittut taimaa mamihaliqpaktut. Iniqnirit uqautjiyiuplutik ihuaqutauliqpaktuq imaalu iniqnirit ihumagivaghugillu inuit tamangnik qauhimayaqaqhutik atuqtauyunik amihunik.

Hivayaqtaghat

Daisy Panika
Qaritauyakkut: dpanika@kivalliqinuit.ca
Hivayautikkut: 867-645-2348