Ilihaqtut Uukturita Tatatiqvikhaq

Hunayangi hiniktaqvik

Tamna Northern Ontario Ilihaqvik Havautinut, tapkuat Kavamatkut Nunavut, Nunavunmi Inirnirit Iliharviat, tapkuatlu Nunavut Tunngavik Nanminilgit havaqatigiktut atuqtitnianik tamna Aaniaqtailiniqmun Havakhat Hiniktaqvik Inulrammiqnut*

Tamna hiniktaqvik atuqtauniaq talvani Iqaluit talvani havaguhia Mai 6-10, 2019.

Taphuma hiniktaqviup turaqviginiaga talvanitniaq Nunavunmi Inirnirit Iliharviat (NAC), piplugit hiniktaqvikmi huliniit atuqtauni talvani Qikiqtani Aaniaqvik tamnalu Nunavunmi Inirnirit Iliharviat (NAC-kut) ayyikkuhiuqvit naunaiyaivik ilihaqvitlu. 20 Inuit inulrammiit avataani 15 ukiunik ukiulgit tamaitnit nunaliit avikhimaninit Nunavut piqatauniaq havaguhiqmun hivitutigiyumi hiniktaumaniq talvani piniat:

  • Pivikhaqaqniat uuktuqninik tiguttaqlugit havautiliriniqmun ayuiqhaqnit (miqhurniqmik, kiqhiqtuiniq, ilavalliqlugitlu);
  • Takuyaqtuqni qiniqnilu tapkuat inai aaniaqtailiniq havaktiuqpiaqtut ilihaqtut havaktutlu (tahapkuatut Nunavut Ukiurtaqtuq Hilattuqhaivik tamnalu Qikiqtani Aaniaqvik);
  • Takuni inulrammiit himilliqak Nunavut tapkuat piyumayut aaniaqtailiniqmun havakhanik;
  • Katitni Inuit aaniaqtailiniqmun havaqaqpiaqtut apiqhuqlugitlu tapkuninga havanginik ilihaqniniklu; tamnalu
  • Naunaiqlugu huna iliharniq ilihautitlu piyalgit tapkununga tamaitnut aalatqit aaniaqtailiniqmun havakhat (tapkunanga Nunalikni Aaniaqtailiniq Kivgaqtit tapkununga ihumaliqutit ikayuqtia, taphuma munaqhi uvaluniit taakti uvaluniit titiraqti uqaqti) paqnagiakhait tapkuat ilihautit ilihaqnitlu apqutikha tatya.

Una havaq piniaqhimayuq aturahuaqtitni aaniaqtailiniqmun havanguyut tahapkunani Nunavummiut pihimayutlu ayyikkutapyaini hiniktaqvit uukturuta talvani Ungalaani Ontario. https://www.nosm.ca/camp/

Ilihaqtut Uukturita Tatatiqvikhaq

Tamna qunngiaq taphuminga Ungallaani Ontario Ilihaqvik Havautinut (NOSM) hiniktaqvik takuyaulaq hamani: https://youtu.be/lp8zx8ywGRo tamnalu titiqat taphumunga 2018 hiniktaqvik nalvaulaq hamani: https://nunatsiaq.com/stories/article/65674nunavut_teens_get_crash_course_in_health_jobs/

 

Apiqutit taphumunga hiniktaqvik turaqtitaulat talvunga:

 

Michelle Turpin

Hiniktaqvik Kamayi

NVision Insight Ilagiit Nanminilgit.

(613) 601-2446

mturpin@nvisiongroup.ca