ᑲᒪᒋᔭᐅᓯᒪᓂᖓ

ᐊᖏᕐᕋ » ᐅᕙᑦᑎᓐᓂ ᐅᖃᐅᓯᓕᒃ » ᑲᒪᒋᔭᐅᓯᒪᓂᖓ

ᒪᑭᒋᐊᖅᑕ ᐃᓄᐃᑦ ᐱᓕᖕᒪᒃᓴᐃᓂᕐᒧᑦ ᑯᐊᐳᕇᓴᓐ (“ᒪᑭᒋᐊᖅᑕ”) ᐱᓕᕆᐊᒃᓴᓖᑦ ᐊᑐᕐᓂᕐᒥᒃ $175 ᒥᓕᔭᓂᒃ ᑮᓇᐅᔭᓂᒃ ᐱᕚᓪᓕᕈᑎᒃᓴᓂᒃ ᐸᕐᓇᓯᒪᓂᕐᒥᒃ ᐃᖅᑲᓇᐃᔮᑦᓴᖏᓐᓄᑦ ᓄᓇᕗᒻᒥ ᐃᓄᐃᑦ.

ᒪᑭᒋᐊᖅᑕ ᓴᖅᑭᖅᑕᐅᓚᐅᖅᑐᖅ ᐃᖅᑲᖅᑐᐃᕕᒃᑰᖏᑦᑐᖅ ᑮᓇᐅᔭᑕᐅᓂᕐᒧᑦ ᐊᖏᖃᑎᒌᒍᑎᒃᑯᑦ ᐊᑎᓕᐅᖅᑕᐅᓪᓗᓂ ᒪᐃ 2015 ᑖᒃᑯᓇᓐᖓᑦ ᓄᓇᕗᑦ ᑐᓐᖓᕕᒃ ᑎᒥᖓᓂᒃ, ᓄᓇᕗᑦ ᒐᕙᒪᖓ, ᐊᒻᒪᓗ ᑲᓇᑕ ᒐᕙᒪᖓᓂᒃ. ᒪᑭᒋᐊᖅᑕ ᓴᖅᑭᖅᑕᐅᓚᐅᖅᑐᖅ ᑮᓇᐅᔭᖅᑑᑎᒃᓴᖅᑖᑎᑦᓯᔪᒃᓴᒫᖑᓪᓗᓂ ᐊᒻᒪᓗ ᐊᓯᖏᓐᓂᒃ ᐃᑲᔫᑎᒃᓴᓂᒃ ᐱᓕᖕᒪᒃᓴᐅᑎᓄᑦ ᐊᒻᒪᓗ ᐱᓇᓱᐊᕋᑦᓴᓄᑦ ᐃᓄᓐᓄᑦ ᐊᔪᕈᓐᓃᕐᓴᐅᑕᐅᓂᐊᖅᑐᓄᑦ ᐊᔪᓐᖏᔾᔪᑎᖃᕆᐊᓕᖕᓄᓪᓗ ᐃᖅᑲᓇᐃᔮᒃᓴᓄᑦ.

ᒪᑭᒋᐊᖅᑕ ᑐᑭᒧᐊᒍᑎᒃᓴᓄᑦ ᐸᕐᓇᐅᑏᑦ ᖁᑦᓯᑐᒻᒪᕆᒻᒦᑦᑐᖅ ᑐᑭᒧᐊᒍᑎᒃᓴᖅ ᐊᐅᓚᑦᓯᒍᑎᒃᓴᖅ ᒪᑭᒋᐊᖅᑕ ᐊᑭᓕᕐᓱᐃᒍᑎᒃᓴᖓᓂᒃ ᐊᐅᓚᑕᖏᓐᓂᓪᓗ. ᑖᓐᓇ ᐆᒪᔪᖅ ᑎᑎᕋᕐᓯᒪᔪᖅ ᕿᒥᕐᕈᓇᑦᑕᐅᔫᒥᖃᑦᑕᓂᐊᖅᑐᖅ ᓄᑖᓐᖑᕆᐊᖅᑕᐅᖃᑦᑕᕐᓗᓂᓗ, ᐱᒋᐊᕐᓗᓂ ᓯᕗᓪᓕᕐᐹᖅ ᐃᓘᓐᓈᓂᒃ ᕿᒥᕐᕈᓂᐅᓂᐊᖅᑐᖅ 2019-20.