ᐃᒪᐃᑦᑑᓂᖓ ᐅᓪᓗᒥ

ᐊᖏᕐᕋ » ᒫᓐᓇ ᑐᑭᒧᐊᒍᑎᒃᓴᓄᑦ ᓯᕗᓪᓕᐅᑎᔭᕆᐊᓖᑦ » ᐃᒪᐃᑦᑑᓂᖓ ᐅᓪᓗᒥ

ᐃᓄᐃᑦ 85%−ᖏᓐᓃᒻᒪᑕ ᐃᓄᒋᐊᒃᑎᒋᓂᖏᑦ ᓄᓇᕗᒻᒥ, ᑭᓯᐊᓂ 85%−ᖑᓐᖏᒻᒪᑕ ᐃᖅᑲᓇᐃᔭᖅᑏᑦ ᒐᕙᒪᒃᑯᓐᓂ ᓇᖕᒥᓂᕐᓱᖅᑐᓂᓘᓐᓃᑦ ᐱᓕᕆᒡᕕᖕᓂ. ᒐᕙᒪᒃᑯᓐᓂ, ᐃᓄᐃᑦ 50% ᐃᖅᑲᓇᐃᔭᖅᑐᑦ ᐃᓘᓐᓈᓂ. ᓇᖕᒥᓂᕐᓱᖅᑐᓂ, ᐃᓄᐃᑦ 70% ᐃᖅᑲᓇᐃᔭᖅᑐᑦ. ᖁᑦᓯᓂᕐᓴᑦ ᓇᖕᒥᓂᕐᓱᖅᑐᓂ ᐃᖅᑲᓇᐃᔭᖅᑐᑦ ᐃᓄᐃᑦ ᑖᒃᑯᓄᓐᖓᖓᔪᓂᒃ ᐊᑦᓯᓂᕐᓴᓂᒃ−ᐊᔪᓐᖏᓐᓂᕆᔭᐅᒋᐊᓕᖕᓂᒃ ᐃᖅᑲᓇᐃᔮᑦ ᐊᑐᐃᓐᓇᐅᓂᖏᓐᓄᑦ ᓇᖕᒥᓂᕐᓱᖅᑐᓂ ᑕᑯᓐᓇᕐᓗᒋᑦ ᒐᕙᒪᒃᑯᓐᓅᖓᔪᓂ.

ᐃᓄᓕᒫᑲᓴᐃᑦ ᐊᔪᕈᓐᓃᕐᓴᐅᑕᐅᒋᐊᓕᖕᓂᒃ ᐃᓕᓐᓂᐊᕐᓯᒪᔪᑦ ᐃᖅᑲᓇᐃᔮᒧᑦ ᐃᖅᑲᓇᐃᔮᓂᒌᖅᑐᑦ.

ᓄᓇᕗᑦ ᓵᓐᖓᔭᕆᐊᖃᖃᑦᑕᖅᑐᑦ ᓇᓕᒧᓐᖏᑦᑐᓂᒃ ᐊᔪᓐᖏᓐᕆᔭᐅᒋᐊᓕᖕᓂᒃ ᐃᖅᑲᓇᐃᔭᕐᕕᖕᓂ ᐊᒻᒪᓗ ᐊᔪᓐᖏᓐᓂᖃᕆᐊᖃᖁᔨᓂᖏᓐᓂᒃ ᐃᖅᑲᓇᐃᔭᕐᕖᑦ; ᐅᓄᖅᑐᑦ ᐃᖅᑲᓇᐃᔮᖃᓐᖏᑦᑐᑦ ᐊᒻᒪᓗ ᐅᓄᖅᑐᑦ ᐃᖅᑲᓇᐃᔮᑦ ᐃᓄᖃᓐᖏᑦᑐᑦ. ᐃᓄᓕᒫᑲᓴᐃᑦ ᐊᔪᓐᖏᔾᔪᑎᓖᑦ ᐊᒻᒪᓗ ᐊᔪᓐᖏᔾᔪᑎᑖᕐᓯᒪᔪᑦ ᐱᓕᕆᕕᒋᔭᐅᒋᐊᓕᖕᓂ ᒐᕙᒪᓂ ᐊᒻᒪᓗ ᓇᖕᒥᓂᕐᓱᖅᑐᓂ ᐃᖅᑲᓇᐃᔮᓂᑦᑐᑦ. ᐃᓄᓕᒫᑲᓴᐃᑦ ᐃᖅᑲᓇᐃᔭᓐᖏᑦᑐᑦ ᐅᕝᕙᓘᓐᓃᑦ ᐊᑉᕗᑎᓯᒪᔪᑦ ᐱᓕᕆᕕᒃᓴᓂᒃ ᐃᖅᑲᓇᐃᔮᓂᒃ ᐊᔪᓐᖏᔾᔪᑎᖃᓐᖏᑦᑐᑦ ᐊᒻᒪᓗ ᖃᐅᒪᒋᐊᓕᖕᓂᒃ ᖃᐅᔨᒪᓂᖃᕋᑎᒃ ᐊᑐᕆᐊᓕᖕᓂᒃ ᐊᑐᐃᓐᓇᐅᔪᓄᑦ ᐃᖅᑲᓇᐃᔮᒃᓴᓄᑦ ᐊᒻᒪᓗ ᐊᔪᓐᖏᓐᓂᕆᔭᐅᒋᐊᓕᖕᓂᒃ ᐊᒻᒪᓗ ᐃᓕᓐᓂᐊᑲᓐᓂᕈᑎᒃᓴᓂᒃ ᐱᓕᖕᒪᒃᓴᐅᑎᓄᑦ.

2/3-ᒐᓚᖏᑦ ᐃᖅᑲᓇᐃᔭᕈᓐᓇᕐᓯᓯᒪᔪᑦ ᐅᑭᐅᖏᑎᒍᑦ ᐃᓄᐃᑦ ᐃᓄᒋᐊᖕᓂᖏᓐᓂ ᐃᓕᓐᓂᐊᕐᕕᐊᓗᖕᒥᒃ ᓇᓗᓇᐃᒃᑯᑕᖅᑖᕐᓯᒪᓐᖏᑦᑐᑦ. ᑲᑎᓪᓗᒋᑦ ᐃᓕᓐᓂᐊᕐᕕᐊᓗᖕᒥ ᐃᓕᓐᓂᐊᕌᓂᓚᐅᖅᑐᑦ 2014-ᒥ 30%-ᖑᓚᐅᖅᑐᑦ, 92.7 ᐳᓴᖏᑦ ᐃᓅᓪᓗᑎᒃ ᐊᒻᒪᓗ 7.3 ᐳᓴᐅᓪᓗᑎᒃ ᐃᓄᓐᓃᖔᓐᖏᑦᑐᑦ.

ᐃᓄᓕᒫᑲᓴᐃᑦ ᐃᖅᑲᓇᐃᔭᖅᑏᑦ ᐊᑦᓯᓂᕐᓴᒦᑦᑐᓂᒃ−ᐊᔪᓐᖏᓐᓂᕆᔭᐅᒋᐊᓕᖕᓂᒃ ᐃᖅᑲᓇᐃᔮᓖᑦ

ᐃᓄᐃᑦ ᐃᖅᑲᓇᐃᔭᖅᑐᑦ ᐅᔾᔨᓇᖅᑐᖅ ᖁᑦᓯᓂᕐᓴᐅᓂᖏᓐᓂᒃ ᐃᖅᑲᓇᐃᔭᕆᐅᕐᓴᓂᕐᒦᑦᑐᑦ ᐊᒻᒪᓗ ᐅᔾᔨᓇᖅᑐᒥᒃ ᐊᑦᓯᓂᕐᓴᒦᑦᑐᑦ ᐊᐅᓚᑦᓯᔨᐅᓂᕐᒥᒃ ᐊᒻᒪᓗ ᐊᔪᓐᖏᑐᕐᔪᐊᖑᓂᒃᑯᑦ ᐱᓕᕆᐊᓂ. ᓲᕐᓗ ᐊᔾᔨᐅᑎᓪᓗᒍ, ᓄᓇᕗᑦ ᒐᕙᒪᒃᑯᑦ ᐅᓂᒃᑳᓕᐊᒥᓂᖏᓐᓂ ᒐᕙᒪᒃᑯᑦ ᐱᔨᑦᓯᕈᑎᖏᓐᓄᑦ ᐊᕐᕌᒍᑕᒫᕐᓯᐅᑏᑦ ᐅᓂᒃᑳᑦ 2015-16, ᐃᓄᐃᑦ 85%-ᖏᓐᓃᑦᑐᑦ ᐊᓪᓚᑉᕕᖕᒥ ᐃᑲᔪᖅᑎᐅᔪᑦ ᐊᒻᒪᓗ 63% ᐊᔪᓐᖏᔾᔪᑎᑖᕐᓯᒪᓐᖏᑦᑐᓂ ᐱᓕᕆᐊᒃᓴᓃᑦᑐᑦ, ᑭᓯᐊᓂ 27%−ᑐᐃᓐᓇᖏᑦ ᐊᔪᓐᖏᑐᕐᔪᐊᖑᔪᑦ, 24% ᐊᑯᓐᓂᒦᑦᑐᑦ, ᐊᒻᒪᓗ 20% ᐊᖓᔪᖅᑲᐅᑎᓃᑦᑐᑦ. ᐊᔾᔨᐸᓗᖓᓂ ᐊᓯᔾᔨᑕᕐᓂᖅᑕᓕᒃ ᓇᖕᒥᓂᕐᓱᖅᑐᓂ: ᖃᐅᔨᓴᕈᑕᐅᓚᐅᖅᑐᓂ 2011 ᑲᓇᑕᒥ ᐊᖏᕐᕋᕆᔭᐅᔪᑦ ᐊᐱᕐᓱᖅᑕᐅᓂᖓᓂ, ᐃᓄᐃᑦ ᐃᓐᓄᐃᓯᒪᓚᐅᖅᑐᑦ 86% ᐊᑦᓯᓂᕐᓴᒦᑦᑐᓂ ᐃᖅᑲᓇᐃᔮᓂ ᓇᖕᒥᓂᖁᑎᒋᔭᐅᔪᓂ.

ᐱᕈᕐᐸᓪᓕᐊᕕᒃᓴᖅᑕᓕᒻᒪᕆᐅᔪᖅ ᐃᓄᐃᑦ ᐃᖅᑲᓇᐃᔮᖏᓐᓄᑦ, ᐱᓗᐊᖅᑐᒥ ᐱᓕᕆᐊᒃᓴᓄᑦ ᖁᑦᓯᓂᕐᓴᒥᒃ ᐱᓕᖕᒪᓴᕐᓯᒪᒋᐊᓕᖕᓄᑦ, ᐱᓕᕆᐊᖃᓚᐅᕐᓯᒪᓂᕐᒧᑦ, ᐊᔪᓐᖏᓐᓂᕐᒧᑦ ᐊᒻᒪᓗ ᖃᐅᔨᒪᓂᕐᒧᑦ. ᓯᕗᒧᐊᒃᑎᑕᐅᓂᖏᑦ ᐃᓄᐃᑦ ᓯᕗᓕᖅᑎᐅᓂᕐᒧᑦ ᐊᑐᕆᐊᖃᕐᒥᔪᖅ ᓴᕐᖓᑎᑦᓯᒍᑎᒃᓴᒧᑦ ᐃᓄᐃᑦ ᓇᖕᒥᓂᖅ−ᒪᑭᒪᒐᓱᐊᕐᓂᖏᓐᓄᑦ.

ᐃᖅᑲᓇᐃᔭᕈᓐᓇᕐᓯᓯᒪᔪᑦ ᐃᓄᒋᐊᒃᑎᒋᓂᖏᓐᓂ ᐱᕈᕐᐸᓪᓕᐊᓂᐊᖅᑐᑦ ᐊᕙᑎᓂᒃ ᐅᑭᐅᓂᒃ; ᐊᒻᒪᓗ, ᐃᓚᒋᔭᐅᓗᑎᒃ ᐊᒥᓲᓂᕐᓴᑦ ᐋᖅᑭᒋᐊᕐᓯᒋᐊᕆᐊᖃᕐᓂᐊᖅᑐᑦ ᐊᔪᕈᓐᓃᐸᓪᓕᐊᒍᑎᒃᓴᓂᒃ.

ᐱᕈᕐᐸᓪᓕᐊᓂᖏᓐᓄᑦ ᒪᒃᑯᑦᑐᑦ ᐃᓄᒋᐊᒃᑎᒋᓂᖏᓐᓂ ᐅᑭᐅᖏᑎᒍᑦ, ᓄᓇᕗᒻᒥ ᐃᖅᑲᓇᐃᔭᖅᑐᑦ ᐅᓄᕐᓯᓂᐊᖅᑐᑦ. ᑭᓯᐊᓂ, K-12 ᐃᓕᓐᓂᐊᕐᓂᕐᒥᓂᒃ ᓴᕐᖓᑎᑦᓯᒋᐊᖅᑕᐅᑉᐸᑕ, ᐃᖅᑲᓇᐃᔭᕈᓐᓇᕐᓯᓯᒪᔪᑦ ᐅᑭᐅᖏᑎᒍᑦ ᐃᓄᖏᑦ ᓂᕆᐅᓇᕐᓂᐊᖅᑐᑦ ᐃᓚᓕᐅᔾᔨᓯᒪᓂᐊᕐᓂᖏᓐᓂᒃ ᐃᓕᓐᓂᐊᕌᓂᒃᓯᒪᓐᖏᑦᑐᓂᒃ ᐃᓕᓐᓂᐊᕐᕕᐊᓗᖕᒥᒃ ᐊᒻᒪᓗ ᑐᓐᖓᕕᒋᔭᐅᒋᐊᓕᖕᓂᒃ ᑐᓐᖓᕕᓕᐅᕐᓯᒪᓐᖏᑦᑐᓂᒃ ᒐᕙᒪᒃᑯᓐᓂ ᐃᖅᑲᓇᐃᔭᕈᓐᓇᓂᕐᒥᒃ ᐊᒻᒪᓗ ᐊᔪᓐᖏᔾᔪᑎᑖᕐᓂᕐᒥᒃ ᐊᒻᒪᓗ ᐃᓕᓐᓂᐊᑲᓐᓂᓂᕐᒧᑦ.