ᐱᕈᕐᕕᒃ

ᐱᕈᕐᕕᒃ ᐱᓕᕆᕙᓪᓕᐊᒻᒪᑕ ᐃᒪᓐᓇᐃᑦᑑᓕᕈᒪᓪᓗᑎᒃ ᓄᓇᖃᖅᑳᖅᓯᒪᔪᓄᑦ−ᓇᖕᒥᓂᕆᔭᐅᓯᓗᓂ ᐃᓕᓐᓂᐊᕐᕕᐊᓗᖕᒥ ᐃᓕᓐᓂᐊᕇᖅᓯᒪᔪᓄᑦ ᐃᓕᓴᐅᕕᐅᓂᕐᒧᑦ ᐃᓕᓴᕆᔭᐅᓯᒪᓂᖃᖅᑐᒃᑯᑦ, ᐊᔪᙱᓐᓂᖃᖅᑎᑕᐅᓂᒃᑯᑦ ᐃᓕᓴᔾᔪᑎᖃᓪᓗᑎᒃ ᐃᓄᒃᑐᑦ ᐊᒻᒪᓗ ᖃᐅᔨᒪᓪᓚᕆᑦᑖᓗᖏᓐᓂᒃ ᐃᓄᐃᑦ. ᑖᒃᑯᐊ ᐱᓕᕆᔾᔪᑕᐅᒐᔭᕐᑐᑦ ᑲᒪᒋᐊᕈᑕᐅᓂᐊᕐᓗᑎᒃ ᐃᖅᑲᓇᐃᔭᕐᑎᖃᕆᐊᖃᓐᓂᕐᒧᑦ ᐃᓄᖕᓂᒃ ᐊᒻᒪᓗ ᐃᓕᖅᑯᓯᑐᖃᕐᒥᒃ ᐃᓕᓴᔭᐅᔪᒪᔪᓂᒃ ᓄᓇᕗᖕᒥᐅᓄᑦ. ᑕᒪᓐᓇᓕ ᐱᐊᓂᒃᑕᐅᔪᓐᓇᕋᔭᕐᑐᖅ ᐱᕙᓪᓕᐊᑎᑦᑎᓂᒃᑯᑦ, ᐃᓕᓴᐃᓂᒃᑯᑦ ᐊᒻᒪᓗ ᖃᐅᔨᓇᓱᐊᕐᓂᒃᑯᑦ ᓴᖅᑭᒃᑐᓂᒃ ᒪᕐᕈᐃᓂᒃ ᐃᓕᓐᓂᐊᖏᓐᓇᕐᓂᒃᑯᑦ ᓇᓗᓇᐃᒃᑯᑖᖅᑖᕈᑎᑎᒍᑦ.

ᐃᓕᓴᐃᒍᑎᒃᓴᑦ, ᑐᕌᖓᓗᐊᕐᑐᑦ ᐋᖅᑭᓱᕐᑕᐅᓯᒪᔪᑦ ᓄᓇᕗᖕᒥ ᐃᓄᖏᓐᓄᑦ:
i) ᑐᙵᑎᖏᑦ ᐃᓄᒃᑐᑦ ᐅᖃᓪᓚᒍᓯᐅᓪᓗᓂ ᐅᖃᐅᓰᑦ ᐃᓕᓐᓂᐊᕇᕈᑎᑖᖅ (ᐃᓕᓴᔭᐅᔪᖅ ᐃᓄᖕᓄᑦ ᐊᐃᑉᐸᕆᓪᓗᓂᐅᒃ ᐅᖃᓪᓚᒍᓯᒋᓪᓗᓂᐅᒃ ᐃᓄᒃᑐᑦ ᐅᖃᖅᑭᙱᑦᑐᓄᑦ);
ii) ᐱᒡᒐᓇᕐᓂᕐᓴᖅ ᐃᓄᒃᑐᑦ ᐅᖃᓪᓚᒍᓯᐅᓪᓗᓂ ᐅᖃᐅᓰᑦ ᐃᓕᓐᓂᐊᕇᕈᑎᑖᖅ (ᐃᓄᒃᑐᑦ ᐅᖃᖅᑭᑦᑐᓄᑦ ᐅᖃᐅᓯᖅ).

ᒪᕐᕈᐃᑦ ᐃᓕᓐᓂᐊᕇᖅᕈᑎᑖᕐᓂᕐᒧᑦ ᐃᓕᓐᓂᐊᕈᑎᑦ ᐃᓕᓐᓂᐊᕋᒃᓴᐅᓂᐊᕐᐳᑦ ᐃᓄᖕᓄᑦ ᓄᓇᕘᓕᒫᕐᒥᖔᖅᑐᓄᑦ. ᐱᕈᕐᕕᒃ ᐱᓇᓱᐊᕐᓂᐊᕐᓗᑎᒃ ᑮᓇᐅᔭᖃᕈᑎᒋᔭᕆᐊᖃᖅᑕᖏᓐᓂᒃ ᐱᖃᑕᐅᔪᖃᓐᓂᐊᑎᓪᓗᒍ ᐃᖃᓗᐃᑦ ᓯᓚᑖᓂᑦ ᐃᓕᓐᓂᐊᕆᐊᖅᑐᓄᑦ.

ᑐᙵᑎᖏᑦ ᐃᓄᒃᑐᑦ ᐅᖃᓪᓚᒍᓯᐅᓪᓗᓂ ᐅᖃᐅᓰᑦ ᐃᓕᓐᓂᐊᕇᕈᑎᑖᖅ ᐱᕈᕐᕕᒃᑯᑦ ᐃᓕᓐᓂᐊᑎᑦᑎᒍᑎᒋᕙᒃᑕᖏᓐᓄᑦ ᐃᓄᒃᑐᑦ ᐊᐃᑉᐸᕆᓪᓗᓂᐅᒃ ᐅᖃᓪᓚᒍᓯᒋᓪᓗᒍ ᐃᓚᒋᐊᕈᑕᐅᔪᑦ ᐃᓄᖕᓄᑦ ᐃᓕᓴᐃᒍᑎᓄᑦ. 2017-18, ᒪᑭᒋᐊᖅᑕᒃᑯᑦ ᐃᓕᓐᓂᐊᑎᑦᑎᓂᕐᒧᑦ ᑎᒥᖓ ᐃᑲᔪᕐᓯᒻᒪᑕ ᐱᕈᕐᕕᑯᓐᓂᒃ ᓴᖅᑮᓂᐊᕐᓗᑎᒃ ᐃᓕᓴᐃᒍᑎᒃᓴᓂᒃ ᑖᒃᑯᓄᖓ ᐱᓕᕆᐊᕆᔭᓄᑦ. ᐃᓕᓐᓂᐊᕐᑏᑦ ᐅᖃᖅᑭᙱᑦᑐᑦ ᐃᓄᑦᑐᑦ ᐅᖃᖅᑭᓂᕐᓴᐅᓕᕐᑎᑕᐅᕙᒃᑐᑦ, ᑐᑭᓯᐊᓂᕐᓴᐅᓕᕐᓗᑎᒃ, ᐅᖃᓕᒫᕈᓐᓇᕐᓯᓗᑎᒃ ᐊᒻᒪᓗ ᑎᑎᕋᕈᓐᓇᓕᕐᓗᑎᒃ ᐱᒡᒐᓚᕐᓕᕐᓴᓂᒃ ᐃᓕᓐᓂᐊᕆᐊᕈᓐᓇᓕᕈᑎᒋᓗᒍ.

ᐱᕈᕐᕕᒃ ᐃᓕᓐᓂᐊᑎᑦᑎᖃᑦᑕᕐᓯᒪᒻᒪᑕ ᐃᓄᒃᑐᑦ ᐅᖃᓪᓚᒍᓯᖃᕆᐊᙵᕐᓯᒪᔪᓄᑦ ᐅᑭᐅᒐᓴᓐᓂᒃ. ᑖᓐᓇ ᐱᓕᕆᔾᔪᑕᐅᔪᑦ ᐃᓕᓐᓂᐊᕐᕈᑎᖏᑦ ᐅᐃᒍᔭᐅᒋᐊᒃᑲᓂᕐᓯᒪᒐᔭᕐᑐᑦ ᐊᒻᒪᓗ ᐃᓕᓐᓂᐊᓕᕈᓐᓇᕈᑕᐅᓗᓂ ᐱᒡᒐᓇᕐᓂᕐᓴᓂᒃ ᐃᓄᒃᑐᑦ ᐅᖃᓪᓚᒍᓯᐅᓪᓗᓂ ᐅᖃᐅᓰᑦ ᐃᓕᓐᓂᐊᕇᕈᑎᑖᖅ. ᐱᕈᕐᕕᒃ ᐃᓕᓐᓂᐊᕐᑕᐅᓕᕐᑎᑦᑎᒍᓐᓇᓂᐊᕐᐳᖅ ᓄᓇᕗᖕᒥ ᐃᓕᓴᐃᔨᐅᓂᕐᒧᑦ ᐃᓕᓴᔭᒥᓐᓂᒃ ᐃᓂᕐᓯᓯᒪᔪᓄᑦ ᐊᒻᒪᓗ ᐊᓯᖏᓐᓄᑦ ᐱᓕᕆᖃᑕᐅᔪᓄᑦ ᐃᓕᓐᓂᐊᕆᐊᕈᒫᓕᕐᑐᓂᒃ ᓱᕈᓯᓛᓂᒃ ᐃᓕᓐᓂᐊᕆᐊᕆᐅᖅᑐᑦ ᑎᑭᓪᓗᒍ ᖁᑦᑎᓐᓂᓕ 12-ᒥᒃ. ᐊᒥᓱᕈᕆᐊᒃᑲᓐᓂᕈᑕᐅᒐᔭᕐᑐᖅ ᑖᓐᓇ ᖃᐅᔨᒪᓂᖅᑖᓯᒪᔪᓄᑦ ᐃᓄᒃᑐᑦ ᐃᓕᓴᐃᔨᐅᕙᒃᑐᓄᑦ ᓄᓇᕗᖕᒥ ᐊᒻᒪᓗ ᐱᕚᓪᓕᕈᑎᓪᓚᕆᐅᒐᔭᕐᑐᓂᒃ ᐃᓕᓐᓂᐊᕐᓂᓕᕆᓂᕐᒥᒃ ᐱᓕᕆᐊᓕᓐᓄᑦ.

ᐅᑯᓂᖓ ᑐᕌᖅᑐᓂᒃ ᓴᖅᑮᒐᔭᕐᑐᖅ:

ᐃᓕᓐᓂᐊᖃᑕᐅᔪᓄᑦ, ᐃᒪᓐᓇᐃᒐᔭᕐᓗᑎᒃ:

  • ᐅᓄᕐᓯᕚᓪᓕᕐᓗᑎᒃ ᐃᓕᓐᓂᐊᕆᐊᕆᐊᕈᓐᓇᕐᑐᑦ ᐃᓐᓇᐅᓕᕐᑐᓄᑦ ᐃᓕᓐᓂᐊᕈᑎᓂᒃ ᐋᖅᑭᒃᑕᐅᓯᒪᓗᑎᒃ ᐱᔭᕆᐊᖃᓪᓚᕆᒃᑕᖏᓐᓂᒃ ᓄᓇᕗᖕᒥᐅᑦ ᐃᓄᖏᑕ. ᐅᑯᓂᖓ ᐱᖃᓯᐅᔾᔨᓗᑎᒃ ᖃᐅᔨᒪᓂᖅᑖᕆᐊᖃᕈᑎᑦ ᐃᖅᑲᓇᐃᔭᕈᓐᓇᑎᐊᓐᓂᐊᕐᒪᑕ ᐃᓄᒃᑐᑦ ᐃᖅᑲᓇᐃᔭᕐᕕᓴᐅᔪᓂ.
  • ᐃᓕᓴᐃᔨᐅᓂᕐᒧᑦ ᐃᓕᓐᓂᐊᕈᑎᑦ, ᐅᓄᕐᓯᓂᕐᓴᐅᒐᔭᕐᑐᑎᒃ ᐃᖅᑲᓇᐃᔮᓄᑦ ᑐᕌᖓᓗᐊᕐᓗᑎᒃ ᐃᓕᓴᐃᒍᑎᑦ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᕐᓂᓕᕆᓂᖅ ᐊᒻᒪᓗ ᐃᓕᓐᓂᐊᕈᑎᒃᓴᓕᐅᕐᓂᖅ.
  • ᐊᔪᙱᓂᕐᓴᐅᓕᕐᓗᑎᒃ ᖃᐅᔨᒪᓂᕐᑖᕈᓐᓇᓂᕐᒥᒃ ᐊᒻᒪ ᐊᑑᑎᖃᖅᑎᑦᑎᓂᕐᒥᒃ ᐃᓄᐃᑦ ᖃᐅᔨᒪᔭᖏᓐᓂᒃ ᐊᒻᒪᓗ ᐊᑑᑎᖃᖅᑎᑦᑎᓂᕐᒥᒃ ᐃᖅᑲᓇᐃᔮᒥᓄᑦ ᐊᒻᒪᓗ ᐃᒻᒥᓄᑦ ᑐᕌᖓᓗᒍ.
  • ᓇᓗᖅᑯᑎᙱᓂᕐᓴᐅᓕᕐᓗᑎᒃ ᐃᓄᐃᑦ ᐃᓕᖅᑯᓯᕐᒥᒍᑦ ᑭᓇᐅᓂᕋᕈᓐᓇᓂᕐᒥᓂᒃ ᐊᒻᒪᓗ ᐊᔪᙱᓂᕐᓴᐅᓕᕐᓗᑎᒃ ᐃᓅᓂᕐᒥᒍᑦ ᓯᕗᓕᕐᑎᐅᔪᓐᓇᕈᑎᒥᓂᒃ ᓄᓇᕗᖕᒥ ᐃᖅᑲᓇᐃᔭᕐᕕᖕᒥ.

ᐃᓕᓐᓂᐊᕈᑎᒃᓴᓕᐅᕐᑏᑦ ᐃᓕᓐᓂᐊᕈᑎᒃᓴᓕᐅᕇᓐᓂᐊᕐᓗᑎᒃ ᐅᑯᓂᖓ:

ᐅᖃᓕᒫᕆᐅᖅᓴᐅᑎᑦ ᑎᑎᕋᕆᐅᖅᓴᐅᑎᑦ

ᐃᓄᒃᑐᑦ ᑎᑎᕋᕈᓐᓇᕐᓂ: ᑎᑎᕋᕆᐅᖅᑐᓄᑦ ᑎᑦᑎᕋᕈᓰᑦ Inuktut
ᐃᓄᒃᑐᑦ ᑎᑎᕋᑦᑎᐊᕈᓐᓇᕐᓇᓂᖅ
ᐃᓄᒃᑐᑦ ᖃᓄᖅᑑᕈᓐᓇᕐᓗᓂ ᑎᑎᕋᕈᓐᓇᕐᓂᖅ
ᐃᓄᒃᑐᑦ ᖃᕆᑕᐅᔨᕆᔪᓐᓇᕐᓂᖅ

ᖃᐅᔨᒪᔭᐅᓪᓚᕆᒃᑐᑦ ᖃᐅᔨᒪᔪᒧᑦ

ᐅᓪᓗᒥᓕᓴᑦ ᐊᒻᒪ ᐅᓕᕐᓇᐃᕋᓐᓂᖏᑦᑐᑦ ᑕᐃᒎᓰᑦ
ᐱᖅᑯᓯᑐᖃᒃᑯᑦ ᑕᐃᒎᓰᑦ
ᐃᓄᒃᑐᑦ ᐋᖅᑭᑎᐊᕐᓯᒪᔪᑦ ᐅᖃᓪᓚᒍᓰᑦ
ᐃᓄᒃᑐᑦ ᐅᖃᐅᓰᑦ ᐊᔾᔨᒌᙱᐊᔪᓐᓂᖏᑦ
ᐃᖅᑲᓇᐃᔮᖃᖅᑐᑦ ᑐᑭᓕᐅᕆᓂᕐᒥᒃ Working in Translation

ᐃᖓᓚᖓᐃᑦᑐᑰᕐᕕᑦ

ᖃᐅᔨᓇᓱᐊᕐᓗᑎᒃ ᐊᒻᒪᓗ ᑎᑎᕋᖅᐸᓪᓕᐊᓗᒋᑦ ᐃᓄᖕᓂᑦ ᐅᖃᐅᓯᖃᖅᑐᑦ
ᐅᖃᓪᓚᓂᒃᑯᑦ ᑕᐃᓯᑦᑎᐊᕈᓐᓇᕐᓂᖅ

ᐃᓕᓴᕆᔭᐅᓯᒪᓂᖃᖅᑐᑦ

  • ᑲᑎᒪᖃᑎᖃᕐᐸᓪᓗᑎᒃ ᐊᓯᖏᓐᓂᒃ ᐃᓕᓴᐃᓂᕐᒧᑦ ᑎᒥᐅᔪᓂᒃ ᓄᓇᕗᑉᒥ
  • ᓴᖅᑮᓗᑎᒃ ᑐᙵᕕᒃᓴᐅᔪᓂᒃ ᐱᓕᕆᖃᑎᒋᔭᒥᓂᒃ ᐱᖃᑎᖃᓪᓗᑎᒃ ᐃᓄᖕᓄᑦ − ᐋᖅᑭᓱᕐᑕᐅᓯᒪᔪᓂᒃ ᐊᒻᒪᓗ ᐃᓄᒃᑑᖓᓗᓂ ᑲᒪᒋᔭᐅᔾᔪᓯᖓ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᕆᔭᐅᔪᑦ ᐃᓕᓴᕆᔭᐅᓯᒪᓂᖃᓐᓂᐊᖅᑐᑦ
  • ᐃᓕᓴᕆᔭᐅᓯᒪᓂᖃᖅᑐᑦ ᑐᙵᕕᒋᔭᐅᔪᑦ ᐊᒻᒪᓗ ᐱᒡᒐᓇᕐᓂᕐᓴᐃᑦ ᐃᓄᒃᑐᑦ ᐃᖅᑲᓇᐃᔭᕈᑕᐅᔪᓐᓇᕐᑐᑦ ᐅᖃᐅᓯᓕᕆᔾᔪᑏᑦ ᐃᓕᓐᓂᐊᕇᕈᑎᑖᕈᑏᑦ.

Contact:
Leena Evic
Email: leena@pirurvik.ca
Phone: 867-979-4722