ᐱᓕᕆᓂᐅᔪᓂᒃ ᑲᒪᒋᔭᖃᓐᓂᕐᒧᑦ ᖃᐅᔨᒪᔩᑦ

ᐱᓕᕆᓂᐅᔪᓂᒃ ᑲᒪᒋᔭᖃᓐᓂᕐᒥᒃ ᖃᐅᔨᒪᔩᑦ ᑐᒃᓯᕋᕈᑎᓕᐅᓚᐅᕐᒪᑕ ᐋᖅᑭᒃᓱᐃᔪᒪᓪᓗᑎᒃ ᐱᓕᕆᔾᔪᑎᒃᓴᓂᒃ ᐃᑲᔪᕈᑎᐅᔪᒪᔪᓐᓇᕐᑐᓂᒃ ᑕᒪᒃᑮᓐᓄᑦ ᐃᓄᖕᓂᑦ ᐃᖅᑲᓇᐃᔭᕐᑎᓂᒃ ᐊᒻᒪᓗ ᐃᖅᑲᓇᐃᔭᕐᑎᑦᑎᔪᓂᒃ ᐃᖅᑲᓇᐃᔮᓂᒃ ᐃᖅᑲᓇᐃᔭᕐᑏᑦ ᓄᖅᑲᐅᔾᔨᑐᐃᓐᓇᖃᑦᑕᓂᐊᙱᒻᒪᑕ, ᐱᕙᓪᓕᐊᓂᖃᓪᓗᑎᒃ ᐃᓕᒃᐸᓪᓕᐊᓂᖃᓪᓗᑎᓪᓗ ᐃᖅᑲᓇᐃᔭᕐᓯᓐᓈᑦ ᐊᒻᒪᓗ ᐱᕚᓪᓕᖁᓪᓗᒋᑦ ᑐᙵᓇᕐᓂᖅ ᐊᒻᒪᓗ ᐃᓕᖅᑯᓯᑐᖃᒃᑯᑦ ᐃᒃᐱᒍᓱᒃᑎᐊᕐᑐᓂᒃ ᐃᖅᑲᓇᐃᔭᕐᕕᖃᖁᓪᓗᒋᑦ. ᑐᒃᓯᕋᕈᑎᓕᐊᖅ ᐱᓕᕆᐊᒃᓴᒧᑦ ᑐᕌᓗᐊᕐᓂᖃᓐᓂᐊᕐᓗᓂ ᐃᓕᓐᓂᐊᕇᖅᓯᒪᔪᓂᒃ ᐃᖅᑲᓇᐃᔮᖃᓚᐅᕐᑎᓐᓇᒋᑦ ᐃᓕᓴᔭᐅᓯᒪᔪᓂᒃ. ᐃᓕᓴᐃᓂᐊᕐᓗᑎᒃ 6-ᓂᒃ ᐊᑐᓂᑦ ᐅᑯᓇᖓᑦ ᓄᓇᓕᖕᓂᑦ: ᒥᑦᑎᒪᑕᓕᖕᒥᑦ, ᐸᖕᓂᕐᑑᕐᒥᑦ ᐊᒻᒪᓗ ᐃᖃᓗᖕᓂᑦ (ᑕᒪᒃᑭᑕᐅᓗᑎᒃ ᐃᓅᓱᒃᑐᑦ ᐊᒻᒪᓗ ᐃᓐᓇᐃᑦ ᐊᐳᖅᑕᕈᑎᖃᖃᑦᑕᕐᓯᒪᔪᑦ ᐃᖅᑲᓇᐃᔮᕐᑖᕋᓱᐊᕐᑐᑎᒃ). ᐃᓕᓴᐃᒐᔭᕐᓗᑕ ᖃᓂᒋᔭᖏᓐᓃᒃᑐᓂᑦ 18-ᓂᒃ ᐊᒻᒪᓗ ᐃᖅᑲᓇᐃᔭᕐᕕᒋᔭᖏᓐᓂᒃ. ᖃᓂᒋᔮᓂ ᐱᖓᓱᑦ ᐃᓕᓐᓂᐊᕇᖅᓯᒪᔪᑦ ᐊᑐᓂᑦ ᓄᓇᓕᖕᓃᖔᕐᓗᑎᒃ ᐃᖅᑲᓇᐃᔮᒃᓴᒥᒃ ᓇᓂᓯᓯᒪᓕᕇᕋᔭᕐᑐᑦ ᐊᒻᒪ ᐱᖓᓱᒃᑲᓐᓃᑦ ᐃᓕᓐᓂᐊᕇᖅᓯᒪᔪᑦ ᓱᓕ ᐃᖅᑲᓇᐃᔮᒃᓴᒥᒃ ᓱᓕ ᕿᓂᕐᑐᑦ. ᐱᕚᓪᓕᕐᑎᐸᓪᓕᐊᖏᓐᓇᕐᓗᒋᑦ ᐱᓕᕆᖃᑎᒌᓕᕇᖅᑕᕗᑦ ᐃᓕᓐᓂᐊᕐᑐᑦ ᐊᒻᒪᓗ ᓄᓇᒥᖕᓂ ᐃᖅᑲᓇᐃᔭᕐᑎᑦᑎᔪᑦ ᐊᑐᓂᑦ ᓄᓇᓕᖕᓂᑦ ᐱᖃᑕᐅᓂᐊᕐᓂᕋᖅᑕᐅᓯᒪᔪᓂᑦ, ᐱᓕᕆᔨᕗᑦ ᐃᖅᑲᓇᐃᔭᖃᑎᖃᓐᓂᐊᕐᓗᑎᒃ ᐃᖅᑲᓇᐃᔭᕐᑐᓂᒃ ᐊᒻᒪᓗ ᐃᖅᑲᓇᐃᔭᕐᑎᑦᑎᔪᓂᒃ ᐊᑐᓕᕐᑎᑦᑎᒍᓐᓇᓂᐊᕐᒪᑕ ᐱᓕᕆᖃᑎᒌᒃᑎᐊᕈᓐᓇᓂᕐᒥᒃ, ᐊᐳᕈᑕᐅᕙᒃᑐᓂᓪᓗ ᐱᑕᖃᕈᓐᓃᑎᑦᑎᓗᑎᒃ, ᐃᑲᔪᕐᓯᔭᐅᓗᑎᒃ ᐃᓕᓐᓂᐊᕐᑐᑦ ᖃᐅᔨᕙᓪᓕᐊᓂᖏᑦ ᐃᖅᑲᓇᐃᔭᖃᑎᒌᒃᑎᐊᕈᓐᓇᓂᕐᒥᒃ ᒪᓕᓪᓗᒋᑦ. ᐊᒻᒪᓗ ᓱᓕ, ᐱᓕᕆᔾᔪᑕᐅᔪᑦ ᐃᑲᔪᓐᓂᖃᓐᓂᐊᕐᓗᑎᒃ ᓴᖅᑮᓂᕐᒥᒃ ᐃᓕᖅᑯᓯᑐᖃᒃᑯᑦ ᐃᐱᒍᓱᑦᑎᐊᓂᕐᒥᒃ, ᐱᑦᑎᐊᕈᓐᓇᓂᕐᒥᒃ ᐊᒻᒪᓗ ᐱᖃᑕᐅᑎᑦᑎᑦᑎᐊᕈᓐᓇᕐᕕᐅᓗᓂ ᐃᖅᑲᓇᐃᔭᕐᕕᒃ − ᐃᓱᒪᒋᙱᓪᓗᒋᑦ ᐃᖅᑲᓇᐃᔭᕐᕖᑦ ᐊᔾᔨᒌᙱᒃᑲᓗᐊᕐᐸᑕ, ᓴᖅᑭᔮᕐᑎᑦᑎᓂᒃᑯᑦ ᐊᑑᑎᖃᖅᑐᓂᒃ ᐃᓄᐃᑦ ᐃᓕᖅᑯᓯᕐᒥᒍᑦ ᑲᒪᔾᔪᓯᖏᓐᓂᒃ.

ᑐᕌᒐᖏᑦ

  • ᑐᓴᐅᒪᑎᑦᑎᑦᑎᐊᕈᓐᓇᓕᕐᓂᕐᓴᐅᓂᖅ ᐃᖅᑲᓇᐃᔭᕐᕕᐅᑉ ᐱᔭᕆᐊᖃᖅᑕᖏᓐᓂᒃ (ᐃᖕᒥᓂᒃ ᐅᔾᔨᕆᔪᓐᓇᕐᓂᕐᒥᒃ ᐃᓕᓐᓂᐊᕐᑐᑦ ᐊᒻᒪᓗᑦᑕᐅᖅ ᐃᖅᑲᓇᐃᔭᕐᑎᑦᑎᔪᑦ, ᐅᔾᔨᕈᓱᒍᓐᓇᓕᕐᓂᒥᒃ ᓄᓇᖅᑲᑎᒥᓐᓂᒃ)
  • ᐃᕿᐊᑦᑕᖓᙱᓂᕐᓴᐅᒐᔭᕐᑐᑎᒃ ᐱᖃᑕᐅᔪᑦ ᓇᓂᓯᔪᓐᓇᓕᕋᔭᕐᒪᑕ ᐃᖅᑲᓇᐃᔮᕆᔪᒪᔭᒥᓂᒃ ᐊᒻᒪᓗ ᐃᑲᔪᕈᓐᓇᓕᕋᔭᕐᑐᑎᒃ ᐃᓕᒥᓂᒃ ᐊᒻᒪᓗ ᓄᓇᖅᑲᑎᒥᓂᒃ ᖃᓄᑐᐃᓐᓇᖅ.
  • ᑐᑭᓯᓂᕐᓴᐅᓕᕋᔭᕐᑐᑎᓪᓗ ᐊᔾᔨᒋᔭᐅᙱᑦᑐᓂᒃ ᖃᐅᔨᒪᓂᐅᔪᓂᒃ ᐃᑲᔪᕈᓐᓇᕐᓂᖃᓪᓗᑎᒃ ᐊᒻᒪᓗ ᐱᒍᒥᔭᖃᕐᓗᑎᒃ ᐱᓗᐊᖅᑐᒥᒃ ᐊᑑᑎᖃᖅᑎᑦᑎᓕᕈᑎᒃ ᐃᖅᑲᓇᐃᔮᒥᒍ
  • ᖃᐅᔨᒪᓂᕐᓴᐅᓕᕐᓗᑎᒃ ᓄᓇᒥᖕᓂ ᐃᑲᔪᕐᑎᐅᕙᒃᑐᓂᒃ ᐱᔨᑦᑎᕐᕈᑎᓄᑦ ᐃᑲᔪᓐᓂᖃᕈᓐᓇᕐᑐᑦ ᐃᖅᑲᓇᐃᔮᕐᑖᕋᓱᐊᕐᑎᓪᓗᒍ ᐊᒻᒪᓗ ᐃᖅᑲᓇᐃᔮᖃᐃᓐᓇᓂᕐᒧᑦ
  • ᐃᖕᒥᓂᒃ ᓇᓗᖅᑯᑎᙱᓂᕐᓴᐅᓕᕐᓗᑎᒃ ᐱᖃᑕᐅᔪᑦ
  • ᓴᐃᒪᓂᕐᓴᐅᔪᓐᓇᕐᓗᑎᒃ ᐊᒻᒪ ᐃᓗᖏᕐᓱᓗᐊᙱᓂᕐᓴᐅᔪᓐᓇᕐᓯᓗᑎᒃ ᐃᖅᑲᓇᐃᔮᒥᒍᑦ
  • ᐱᓕᕆᖃᑎᖃᑦᑎᐊᕈᓐᓇᓂᕐᓴᐅᓕᕐᓗᑎᒃ ᓄᓇᒥᖕᓂ ᐃᖅᑲᓇᐃᔭᕐᕕᐅᔪᓂᒃ ᐊᒻᒪᓗ ᐱᕚᓪᓕᑎᑦᑎᒋᐊᕈᓐᓇᓂᕐᒥᒃ ᐃᖅᑲᓇᐃᔭᕐᑎᑦᑎᔪᒥᒃ ᑐᙵᓇᕐᓂᒃᑯᑦ ᐊᒻᒪᓗ ᐱᖃᑕᐅᑎᑦᑎᓂᕐᒥᒃ ᐃᓄᖕᓂᒃ ᐃᖅᑲᓇᐃᔭᕐᑎᓂᒃ
  • ᐋᖅᑭᒃᓱᐃᔪᓐᓇᕐᓗᑎᒃ ᖃᐅᔨᒪᖃᑦᑕᐅᑎᓂᒃᑯᑦ ᐱᕕᖃᖅᑎᑕᐅᓗᑎᒃ ᐃᖅᑲᓇᐃᔭᕐᕕᐅᔪᑦ ᐊᒻᒪᓗ ᐃᖅᑲᓇᐃᔭᕐᑏᑦ ᒪᓕᓪᓗᑎᒃ ᐃᓄᐃᑦ ᐃᓕᖅᑯᓯᑐᖃᕐᒥᒍᑦ ᖃᐅᔨᒪᓂᖏᓐᓂᒃ (ᐃᖕᒥᓂᒃ ᐅᔾᔨᕈᓱᒍᓐᓇᕐᓂᖅ, ᖃᐅᔨᒪᓂᕐᑖᐸᓪᓕᐊᓂᕐ, ᐃᒻᒥᒃᑯᑦ ᑲᒪᔪᓐᓇᕐᓂ, ᐅᐱᒍᓱᓐᓂᖅ ᐊᒻᒪᓗ ᓇᓗᖅᑯᑎᖏᓕᕐᓂᖅ ᑐᑭᓯᕙᓪᓕᐊᓂᖏᑦ ᐃᓕᖅᑯᓯᑐᖃᓐᓂᒃ ᒪᓕᓪᓗᒍ ᐱᓗᐊᕐᑐᒥᒃ ᐃᖅᑲᓇᐃᔭᕐᕕᐅᔪᑦ ᐃᓄᓪᓚᑦᑖᖑᙱᑉᐸᑕ)
  • ᐱᓕᒻᒪᓴᕐᑕᐅᓗᑎᒃ ᐃᖅᑲᓇᐃᔮᕆᔭᓄᑦ ᑐᕌᒐᓕᐅᕐᓂᕐᒥ, ᐃᖅᑲᓇᐃᔭᕐᑎᐊᓐᓂᐅᔪᓂᒃ ᖃᐅᔨᓴᕐᓂᕐᒧᑦ ᐸᕐᓇᒍᑎᓕᐅᕐᓂᕐᒥᒃ ᐊᒻᒪ ᑐᓴᕐᑎᑦᑎᕙᓪᓗᓂ ᐊᒻᒪᓗ ᑐᓴᕐᕕᖃᕈᒪᕙᓪᓗᓂ

ᐅᑯᐊ ᓴᖅᑭᑕᐅᓗᑎᒃ ᐊᑑᑎᖃᖅᑎᑕᐅᔪᓐᓇᓛᕐᑐᒋᔭᑦ

  • ᒪᕐᕈᐃᑦ (2) ᐱᓕᕆᖃᑎᒌᒃᑲᔭᕐᑐᑦ (ᐊᑐᓂᑦ ᓄᓇᓕᖕᓂ) ᐊᑑᑎᖃᖅᑎᑦᑎᒐᔭᕐᔪᑦ ᐃᖅᑲᓇᐃᔮᒥᓂᒃ ᐱᕚᓪᓕᑎᑦᑎᓂᕐᒥᒃ, ᐊᒻᒪᓗ ᐱᓕᕆᖃᑎᒌᒃᑎᐊᓂᕐᒥᒃ ᐃᖅᑲᓇᐃᔭᕐᕕᐅᔪᓄᑦ ᐊᒻᒪᓗ ᐃᖅᑲᓇᐃᔭᕐᑎᓄᑦ ᐊᒻᒪᓗ ᑕᑯᒃᓴᐅᑎᑦᑎᕙᓪᓗᑎᒃ ᑲᑦᑐᑎᓂᖃᑦᑎᐊᕐᓯᒪᔪᓂᒃ ᐊᔾᔨᒌᙱᑦᑐᓂᒃ ᐱᓕᕆᕕᓂ
  • ᖃᐅᔨᕚᓪᓕᕈᑎᒃᓴᖏᑦ ᐃᖅᑲᓇᐃᔭᕐᑏᑦ ᖃᐅᔨᒪᔾᔪᑎᒋᔪᓐᓇᕐᑕᖏᑦ ᑲᑦᑐᑎᑦᑎᐊᓂᕐᒧᑦ ᐃᖅᑲᓇᐃᔭᕐᕕᖕᒥ ᓴᖅᑭᑕᐅᓯᒪᔪᑦ ᐃᓄᖕᓄᑦ ᖃᐅᔨᒪᔨᐅᔪᓄᑦ, ᐱᖃᓯᐅᑎᓪᓗᒋᑦ ᐅᖃᐅᔾᔨᒋᐊᕈᑏᑦ ᐱᔭᓐᓂᖏᑦᑐᓂᒃ ᑲᒪᓂᐊᕐᓗᓂ ᐊᒻᒪᓗ ᓈᖕᒪᖏᑦᑐᕐᑕᖃᓕᕐᓂᕐᐸᑦ
  • ᖃᐅᔨᕚᓪᓕᕈᑎᒃᓴᑦ ᐃᖅᑲᓇᐃᔭᕐᑎᑦᑎᔪᓄᑦ ᐃᓕᓐᓂᐊᕐᑎᑦᑎᒍᓐᓇᓂᒥᒃ, ᐃᓄᖕᓄᑦ ᑐᕌᖓᓗᐊᖅᑐᑦ ᐃᓕᖅᑯᓯᑐᖃᒃᑯᑦ ᐃᒃᐱᒋᔭᓕᖕᓂᒃ ᐃᓕᓴᐃᒍᑎᓂᒃ ᐊᒻᒪᓗ ᐱᖃᑕᐅᑎᑦᑎᓂᕐᒥᒃ ᐃᖅᑲᓇᐃᔭᕐᕕᖕᒥ, ᐊᒻᒪ ᖃᐅᔨᒪᔾᔪᑕᐅᔪᓐᓇᕐᑐᑦ ᐃᖅᑲᓇᐃᔭᖃᑎᖃᓐᓂᐊᕐᓗᓂ ᐊᒃᓱᕈᓗᐊᖃᑦᑕᓐᓂᑰᔪᓂᒃ ᐃᓅᓯᕐᒥᒍᑦ
  • ᐃᓕᖅᑯᓯᑐᖃᒃᑯᑦ ᐱᓕᕆᑎᑕᐅᕙᓪᓗᑎᒃ ᐱᖃᑕᐅᔪᑦ ᐊᑐᓂᑦ ᓄᓇᓕᖕᓂ ᖃᐅᔨᒪᓂᕐᑖᕐᔪᒥᓂᐊᕐᒪᑕ ᐃᓕᖅᑯᓯᑐᖃᒃᑯᑦ ᖃᐅᔨᒪᓂᐅᔪᓂᒃ ᐃᖅᑲᓇᐃᔭᕐᕕᖕᒥ
  • ᐱᓕᒻᒪᓴᕐᑕᐅᓗᑎᒃ ᑕᒪᒃᑮᒃ ᐃᖅᑲᓇᐃᔭᕐᑏᑦ ᐊᒻᒪᓗ ᐃᖅᑲᓇᐃᔭᕐᑎᑦᑎᔪᑦ ᐱᕚᓪᓕᖁᓪᓗᒍ ᐃᖅᑲᓇᐃᔭᖃᑎᒌᒍᓐᓇᑎᐊᕐᓂᖅ, ᐃᓕᓴᐃᓂᖅ ᐊᒻᒪᓗ ᓴᖅᑮᓂᕐᒥᒃ ᐃᓄᐃᑦ ᐃᓕᖅᑯᓯᖏᑦᑎᒍᑦ ᐱᖃᑕᐅᑦᑎᓂᒃᑯᓪᓗ ᐃᖅᑲᓇᐃᔭᕐᕕᖃᓐᓂᕐᒥᒃ

ᐊᐳᕈᑕᐅᕙᒃᑐᑦ  

  • ᑎᒥᒥᒍᑦ ᐃᓗᓯᕐᓗᒍᑎᓕᒃ (ᐃᓯᕐᕖᑦ, ᐊᐅᓚᓗᐊᕈᓐᓇᖏᓐᓂᖅ, ᐱᔭᕆᐊᖃᑦᑕᐅᔪᑦ ᐃᓗᓯᕐᓗᒃᑐᓄᑦ ᐃᖏᕐᕋᔾᔪᑏᑦ ᐊᓯᖏᓪᓗ);
  • ᐅᐃᕆᓯᒪᒍᑏᑦ, ᐃᓱᒪᔮᕐᓂᖅ ᐅᕝᕙᓗ ᐊᒃᓱᕈᓗᐊᕐᓯᒪᓂᕐᒥᓄᑦ ᐊᑦᑐᕐᑕᐅᒍᑎᒋᓯᒪᔭᖏᑦ;
  • ᓂᕿᒃᓴᖃᑦᑎᐊᖏᓗᐊᖃᑦᑕᕐᓂᖅ;
  • ᓯᕗᓕᖏᑕ ᐊᑐᕐᓯᒪᔭᖏᑦ ᐊᒃᓱᖃᑦᑕᓂᑯᑦ ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᖃᑦᑕᕐᓯᒪᓂᖏᓐᓄᑦ;
  • ᐃᖕᒥᓂᒃ ᐃᒃᐱᒋᑦᑎᐊᖏᓗᐊᕐᓂᖅ ᐊᒻᒪᓗ ᓱᓇᓱᐅᓱᒋᙱᓗᐊᕐᓂᖅ;
  • ᐊᒃᓲᕈᓴᓕᕐᑐᓂ ᐊᔪᓕᓲᖅᑦ ᐅᕝᕙᓗ ᐃᒃᐱᒋᔭᒥᓂᒃ ᐃᖅᑲᓇᐃᔮᒥᒍᑦ ᓴᖅᑭᐸᒃᑐᑦ (ᐃᓅᖃᑎᖃᑦᑎᐊᓂᕐᒥᒃ ᐊᑦᑐᐃᓂᖃᓕᖃᑦᑕᕐᑐᑦ);
  • ᐃᓄᒌᐊᒃᑐᓃᒋᐊᒃᓴᖅ ᐊᑲᐅᒃᓴᖏᑦᑐᑦ ᐅᕝᕙᓗ ᐃᓅᖃᑕᐅᑦᑎᐊᕈᓐᓇᕋᓱᒋᙱᑦᑐᖅ ᐅᕝᕙᓗ ᐱᖃᑕᐅᑎᑕᐅᓗᐊᕈᓐᓇᖏᑦᑐᖅ;
  • ᐃᑲᔪᕐᓯᔭᐅᓗᐊᙱᑦᑐᖅ ᐃᓚᔮᒥᓄᑦ, ᐃᓚᓐᓇᕆᔭᒥᓄᑦ ᐊᒻᒪᓗ ᓄᓇᒥᖕᓂ ᖃᐅᔨᒪᓂᓕᓐᓄᑦ;
  • ᐊᔪᕐᓴᕐᑐᖅ (ᐊᒥᓲᓂᕐᓴᑦ ᐃᑲᔪᕐᑕᐅᕙᒻᒪᑕ ᐃᓄᓕᕆᔨᒃᑯᓐᓄᑦ ᐊᒻᒪ ᑭᓱᑖᕈᑎᒃᓴᖏᑦ ᓈᒪᐅᕿᔪᓐᓇᖏᑦᑐᑦ);
  • ᐃᓅᖃᑎᒌᒃᑎᐊᖏᓐᓂᒃ ᐱᖃᓯᐅᑎᓪᓗᒍ ᓂᖃᕐᓂ ᐊᒻᒪᓗ ᐱᑦᑎᐊᖏᓐᓂᒃ;
  • ᓯᕗᓕᖏᑦ ᐅᓪᓗᒥᒧᑦ ᑎᑭᓪᓗᒍ ᐊᒃᓱᕉᓴᕐᑐᑦ;
  • ᐃᓕᓐᓂᐊᓗᐊᕐᓯᒪᙱᑦᑐᑦ ᐊᒻᒪ ᐃᖅᑲᓇᐃᔭᓕᒪᓂᐅᙱᑦᑐᖅ
  • ᐃᓄᓕᕆᔨᒃᑯᓐᓂᑦ ᐃᑲᔪᖅᑕᐅᒍᑎᖏᑦ ᐃᕿᐊᓱᓕᕈᑕᐅᕙᒃᑐᑦ;
  • ᑲᒪᓕᓂᐅᓗᐊᙱᑦᑐᖅ ᑮᓇᐅᔭᓂᒃ (ᐊᑭᓕᖅᑕᐅᑎᓪᓗᒋᑦ ᐃᓚᖏᑦ ᑕᒪᐃᓐᓂᒃ ᑮᓇᐅᔭᕐᑖᒥᓂᒃ ᓄᖑᑦᑎᓲᖑᒻᒪᑕ ᐊᒻᒪ ᓱᓇᖃᕈᓐᓃᕐᓗᑎᒃ ᖃᐅᑐᐃᓐᓇᑎᓪᓗᒍ);
  • ᑐᒃᓯᕋᕐᕕᐅᓗᐊᕐᐸᒃᑐᑦ ᐃᓚᔮᒥᓄᑦ ᐊᑭᓕᕐᑕᐅᕕᐅᑎᓪᓗᒍ;
  • ᐃᑲᔪᕐᑕᐅᒍᑎᒥᓂᒃ ᐃᑲᔪᕐᑕᐅᔪᓐᓃᓂᐊᕐᑐᒋᔪᑦ (ᐃᒡᓗ, ᐋᓐᓂᐊᕐᑐᒃᓯᐅᑦ, ᐊᓯᖏᓪᓗ);
  • ᐃᓕᖅᑯᓯᕐᒥᒍᑦ ᐊᔾᔨᒌᖏᓗᐊᕐᑑᒃ ᐃᖅᑲᓇᐃᔭᕐᑎᑦᑎᔪᓐᓇᕐᑐᖅ ᑐᑭᓯᐊᖃᑦᑕᐅᑎᙱᓂᕐᓴᐅᒍᑕᐅᔪᓐᓇᒥᒻᒪᑦ;
  • ᐃᓕᒪᓱᒍᑎᓕᒃ ᐅᕝᕙᓗ ᓇᓗᓗᐊᕐᑐᑦ ᐃᖅᑲᓇᐃᔭᕈᓐᓇᓂᕐᒥᓂᒃ;
  • ᐃᓚᔮᒥᓂᒃ ᑲᒪᒋᔭᖃᖅᑐᑦ (ᓱᕈᓯᓛᕐᓂᒃ ᐅᕝᕙᓗ ᐃᓐᓇᕐᒥᒃ); ᐅᕝᕙᓗ
  • ᐃᓅᖃᑎᖃᑦᑎᐊᖏᑦᑐᑦ ᓄᓇᖅᑲᑎᕐᒥᓂᒃ (ᐃᖅᑲᓇᐃᔭᕐᑎᑦᑎᑐᐃᓐᓇᕆᐊᓕᖕᓂᒃ), ᐊᒻᒪᓗ ᓄᓇᓕᖕᒥ ᐃᑲᔪᕐᑎᐅᓂᒃᑯᑦ ᐱᔨᑦᑎᕐᑎᐅᔪᓂᒃ.

 

ᖃᐅᔨᒃᑲᕈᓐᓇᕐᑕᑦ:

ᑖᓐ ᕼᐊᒻᒪᓪᑕᓐ

ᖃᕆᑕᐅᔭᒃᑯᑦ ᑎᑎᕋᕐᕕᖓ: dhamilton@pmcrenewal.com

ᐅᖄᓚᐅᑖ:  613-234-2020